கீழக்கரையில் கோடை விடுமுறையை, இஸ்லாமிய வழியில் பயனுள்ளதாக்கிட, வடக்குத் தெரு சமூக நல அமைப்பான NASA நிர்வாகத்தினரின் தொடர் முயற்சியில் நடத்தப்படும் கோடைகால இஸ்லாமிய பயிற்சி முகாம், இறைவன் அருளால் எதிர் வரும் 08.05.2013 முதல் 24.05.2013 வரை நடை பெற உள்ளது.
(படங்கள் : NASA அமைப்பினரின் சார்பாக, சென்ற ஆண்டு நடை பெற்ற கோடை கால இஸ்லாமிய பயிற்சி முகாம்)
.JPG)
இது குறித்து இந்த முகாமின் ஒருங்கிணைப்பாளர். ஜனாப். நிப்ரான் அவர்கள் கூறும் போது "ஒவ்வொரு வருடமும் மாணவர்களின் கோடை விடுமுறை காலங்களில் மார்க்க கல்வியை அடிப்படையாகக் கொண்டு பயிற்சி வகுப்புகள் நடத்தி வருகிறோம். இம்முகாமில் இஸ்லாமிய அடிப்படை கொள்கைகள், இறை வழிபாட்டு முறைகள், குர்ஆன் மனனம், ஹதீஸ் மனனம், அரபி மொழி ஆரம்ப பயிற்சி, தீனியாத் வகுப்புகள் போன்றவை சிறப்பாக நடத்தப்படுகிறது.
இப்பயிற்சி முகாமுக்கான சேர்க்கை விண்ணப்பங்கள் தற்போது அல் மதரசத்துல் முஹம்மதியா பள்ளி வளாகத்தில் வழங்கப்பட்டு வருகிறது. பயிற்சி வகுப்புகள் துவங்க இன்னும் ஓரிரு நாள்களே உள்ளதால், பெற்றோர்கள் தங்கள் பிள்ளைகளை, இந்த நல்ல முகாமில் சேர்த்து பயன்பெறுமாறு கேட்டுக் கொள்கிறோம். இந்த பயிற்சிகள் முழுமையும், கீழக்கரை நகர் மாணவர்கள் பயனடையும் நோக்கோடு இலவசமாகவே வழங்கப்படுகிறது. " என்று மகிழ்ச்சியுடன் தெரிவித்தார்.
தொடர்புக்கு : 9965348839, 9003926865
No comments:
Post a Comment